നെടുമ്പ്രം ഗ്രാമീണ വായനശാലയുടെ നേർക്ക് സാമൂഹ്യ വിരുദ്ധരുടെ അക്രമം

തിരുവല്ല : ലൈബ്രറി കൗൺസിലിന് കീഴിൽ പ്രവർത്തിക്കുന്ന നെടുമ്പ്രം ഗ്രാമീണ വായനശാലയുടെ നേർക്ക് സാമൂഹ്യ വിരുദ്ധരുടെ അക്രമം. പ്രദേശത്ത് പറമ്പിൽ നിന്ന് വാഴകൾ വെട്ടി കളയുകയും, ജനൽ ചില്ലകൾ തകർക്കുകയും, ബിയർ കുപ്പി പൊട്ടിച്ച ഏറിയുകയും, മുളകു പൊടി വിതറുകയും ചെയ്തു. വായനശാല ഭാരവാഹികൾ കഴിഞ്ഞ ദിവസങ്ങളിൽ മദ്യപ സംഘത്തിനെ ചോദ്യം ചെയ്തിരുന്നു. ഗ്രാമീണ വായനശാല ഭാരവാഹികളുടെ നേതൃത്വത്തിൽ പുളിക്കീഴ് പോലീസ് സ്റ്റേഷനിൽ പരാതി നൽകി. പോലീസ് സംഭവസ്ഥലത്ത് എത്തി വിവരങ്ങൾ തിരക്കി.