റാന്നി : മന്ദിരം പടിയിൽ ശബരിമല തീർത്ഥാടകർ സഞ്ചരിച്ച ബസും കാറും തമ്മിൽ കൂട്ടിയിടിച്ച് ഉണ്ടായ അപകടത്തിൽ ഒരു തീർഥാടകൻ മരിച്ചു. കാറിൽ ഉണ്ടായിരുന്ന 4 പേർക്ക് പരുക്ക്. ഇന്ന് 1.45 ന് ആയിരുന്നു അപകടം. കാറിൽ ഉണ്ടായിരുന്ന കർണാടക സ്വദേശി വിനോദ് (36) ആണ് മരിച്ചത്.
തമിഴ്നാട്ടിൽ നിന്ന് എത്തിയവർ സഞ്ചരിച്ച ബസും എതിരെ വന്ന കാറും ആണ് കൂട്ടിയിടിച്ചത്. ബസ് കാറിൽ ഇടിക്കുന്ന സിസിടിവി ദൃശ്യം പുറത്തു വന്നിട്ടുണ്ട്. പരുക്കേറ്റവരെ റാന്നി താലൂക്ക് ആശുപത്രിയിൽ പ്രവേശിപ്പിച്ചു. ബസ് ഡ്രൈവർ ഉറങ്ങിപ്പോയതാകാം അപകട കാരണമെന്നാണ് പൊലീസിൻ്റെ പ്രാഥമിക നിഗമനം
