കണ്ണൂർ : ശക്തമായ മഴയിൽ കണ്ണൂർ നഗരത്തിൽ കെട്ടിടവും മതിലും ഇടിഞ്ഞു വീണു. തളാപ്പിൽ ഉപയോഗിക്കാതെ കിടന്ന പഴയ കെട്ടിടമാണ് തകർന്നത് .പയ്യാമ്പലം ബീച്ച് മേഖലയിൽ ശക്തമായ തിരമാലയെ തുടർന്ന് കടൽ കാണാനെത്തിയ സഞ്ചാരികളെ ഒഴിപ്പിച്ചു.പലയിടത്തും നാശനഷ്ടങ്ങളും അപകടസംഭവങ്ങളും റിപ്പോർട്ട് ചെയ്തിട്ടുണ്ട്.
തൃശൂരിൽ ഒല്ലൂക്കര പൂച്ചട്ടിയിലുള്ള ഭാരതീയ വിദ്യാഭവൻ സ്കൂൾ പരിസരത്ത് മിന്നൽച്ചുഴലിയിൽ മരങ്ങൾ കടപുഴകി.കോഴിക്കോട് ജില്ലയിൽ നഗരപ്രദേശങ്ങളിലും മലയോര പ്രദേശങ്ങളിലും കനത്ത മഴ തുടരുകയാണ് .
