കോട്ടയം : മൂലവട്ടം കുറുപ്പംപടിയിൽ നിയന്ത്രണം നഷ്ടമായ കാർ ഓട്ടോറിക്ഷയിൽ ഇടിച്ച് അപകടം. ഓട്ടോയിൽ ഇടിച്ച കാർ സമീപത്തെ മതിലും തകർത്താണ് നിന്നത്. ഇന്ന് രാവിലെ 10.45 ഓടെ നാട്ടകം ഗസ്റ്റ് ഹൗസ് റോഡിൽ മൂലേടം മേൽപ്പാലത്തിന് സമീപം ആയിരുന്നു അപകടം.
കുറുപ്പംപടി ഭാഗത്തെ വർക്ക് ഷോപ്പിൽ നിന്നും പ്രധാന റോഡിലേയ്ക്ക് കയറി വരികയായിരുന്നു ഓട്ടോറിക്ഷ. ഈ സമയം എസ്എൻഡിപി ഭാഗത്തുനിന്നും എത്തിയ കാർ ഓട്ടോയിൽ ഇടിക്കുകയായിരുന്നു. ഇടിച്ച ശേഷം സമീപത്തെ വീടിൻറെ മതിലും തകർത്താണ് കാർ നിന്നത്. അപകടത്തിൽ മൂലവട്ടം സ്വദേശിയായ ഓട്ടോ ഡ്രൈവർക്ക് നിസ്സാര പരിക്കേറ്റു. അപകടത്തെ തുടർന്ന് നാട്ടകം ഗസ്റ്റ് ഹൗസ് റോഡിൽ ഗതാഗത തടസവും ഉണ്ടായി. ചിങ്ങവനം പോലീസ് സ്ഥലത്തെത്തി ഗതാഗതം നിയന്ത്രിച്ചു
