കോന്നി:പയ്യനാമണ്ണിൽ യുവതിയായ വീട്ടമ്മ ഭർതൃ വീട്ടിൽ ആത്മഹത്യ ചെയ്ത സംഭവത്തിൽ ഭർത്താവിനെ പൊലീസ് അറസ്റ്റ് ചെയ്തു.വട്ടക്കാവ് കല്ലിടുക്കിനാൽ ആര്യാലയത്തിൽ ആര്യാകൃഷ്ണ (22) ഭർതൃവീട്ടിലെ കിടപ്പുമുറിയിൽ ആത്മഹത്യ ചെയ്ത കേസിലാണ് ഭർത്താവ് അരുവാപ്പുലം ഊട്ടുപാറ കുളമാങ്കൂട്ടത്തിൽ ആശിഷിനെ (22) കോന്നി പൊലീസ് അറസ്റ്റ് ചെയ്തത്.
ചൊവ്വ വൈകിട്ടാണ് ആര്യയെ തൂങ്ങി മരിച്ച നിലയിൽ കണ്ടെത്തിയത്.
ഈ സമയത്ത് ഒന്നര വയസുള്ള കുഞ്ഞും വീട്ടിൽ ഉണ്ടായിരുന്നു.സ്ത്രീധന പീഡന നിരോധന നിയമം, ആത്മഹത്യാ പ്രേരണ എന്നീ കുറ്റങ്ങൾ ചുമത്തിയാണ് കേസെടുത്തത്. ആശിഷിന് എതിരെ യുവതിയുടെ കുടുംബവും പൊലീസിൽ മൊഴി നൽകിയിരുന്നു.
