പത്തനംതിട്ട : എൻ എസ് എസ് ജനറൽ സെക്രട്ടറി ജി സുകുമാരൻ നായർക്കെതിരെ കൂടുതൽ സ്ഥലങ്ങളിൽ പ്രതിഷേധ ബാനറുകൾ ഉയരുന്നു. പത്തനംതിട്ട പ്രമാടം പഞ്ചായത്ത് ഓഫിസിന് മുന്നിലാണ് പ്രതിഷേധ ബാനർ ഉയർന്നത്. കുടുംബ കാര്യത്തിനുവേണ്ടി ഭക്തരെ പിന്നിൽ നിന്നു കുത്തി, പിണറായിക്ക് പാദസേവ ചെയ്യുന്ന കട്ടപ്പയായി മാറിയ സുകുമാരൻ നായർ എന്നാണ് ബാനറിലെ പരിഹാസം.
പത്തനംതിട്ട വെട്ടിപ്രം കരയോഗ കെട്ടിടത്തിന് മുന്നിലാണു ഇന്നലെ ആദ്യം ബാനര് പ്രത്യക്ഷപ്പെട്ടത്. ശബരിമലയിൽ യുവതി പ്രവേശനത്തിന് ഉറച്ച നിലപാടെടുത്ത ഇടതു സർക്കാരിനെ പിന്തുണച്ചും ഇതര രാഷ്ട്രീയ കക്ഷികളെ തള്ളിയുമുള്ള സുകുമാരൻ നായരുടെ പ്രസ്താവനക്കെതിരെ എൻഎസ്എസിലെ ഒരു വലിയ വിഭാഗം പ്രത്യക്ഷമായും പരോക്ഷമായും വിയോജിപ്പ് രേഖപ്പെടുത്തിയിട്ടുണ്ട്.
