തിരുവല്ല: പെരിങ്ങര ഗവ. ഹയർ സെക്കണ്ടറി സ്കൂളിൽ വായനവാരാചരണവും വിദ്യാരംഗം കലാസാഹിത്യവേദി ഉദ്ഘാടനവും തിരുവല്ല ഉപജില്ലാ വിദ്യാഭ്യാസ ഓഫീസർ വി കെ മിനികുമാരി നിർവഹിച്ചു. സാഹിത്യകാരനും പത്തനംതിട്ട ഡയറ്റ് ലക്ചററുമായ രാജേഷ് എസ് വള്ളിക്കോട് വായനദിന സന്ദേശം നൽകി.
വിദ്യാരംഗം കോർഡിനേറ്റർ ഷിബിത ലില്ലി മാത്യു അദ്ധ്യക്ഷത വഹിച്ചു. സീനിയർ അസിസ്റ്റന്റ് കെ പ്രിൻസി, വി. നീത, എന്നിവർ പ്രസംഗിച്ചു. കാവ്യാലാപനം, പുസ്തക പരിചയം, വായനദിന പ്രതിജ്ഞ എന്നിവയും സംഘടിപ്പിച്ചു. സാഹിത്യകാരൻ പെരിങ്ങര രാജഗോപാലിനെ അനുസ്മരിച്ചു.
