ന്യൂഡൽഹി : ബംഗ്ലാദേശ് തലസ്ഥാനമായ ധാക്കയിലെ ചേരികളുടെ ദൃശ്യങ്ങൾ ന്യൂഡൽഹിയിലേതെന്ന പേരിൽ സമൂഹമാധ്യമങ്ങളിൽ പ്രചരിപ്പിക്കുന്ന ചൈനീസ് വ്ലോഗർമാർക്കെതിരെ രൂക്ഷവിമർശനവുമായി കേന്ദ്രം. ബംഗ്ലദേശിലെ ധാക്കയിൽ എത്തി അവിടത്തെ ചേരിപ്രദേശങ്ങളുടെ ദൃശ്യങ്ങൾ പകർത്തിയാണ് ചൈനീസ് വ്ലോഗർമാർ ഡൽഹിയിലെ കാഴ്ചകളെന്ന തരത്തിൽ പ്രചരിപ്പിക്കുന്നത്.
വിഷയം കേന്ദ്ര വിദേശകാര്യ മന്ത്രാലയത്തിന്റെ ശ്രദ്ധയിൽപ്പെട്ടതായി വക്താവ് രൺധീർ ജയ്‌സ്വാൾ വ്യക്തമാക്കിരാജ്യത്തിന്റെ അന്താരാഷ്‌ട്ര പ്രതിച്ഛായയ്‌ക്ക് മങ്ങലേൽപ്പിക്കുന്ന ഇത്തരം നീക്കങ്ങൾക്കെതിരെ നടപടി വേണമെന്ന് ഇന്ത്യ ബംഗ്ലാദേശിനോട് ആവശ്യപ്പെട്ടു.
