ന്യൂഡൽഹി : കൊല്‍ക്കത്തയിലെ ആര്‍.ജി. കാര്‍ ആശുപത്രിയില്‍ വനിതാ ഡോക്ടറെ ബലാത്സംഗം ചെയ്ത് കൊന്ന സംഭവത്തിനെതിരെ ഡല്‍ഹി എയിംസിലെ റസിഡന്റ് ഡോക്ടര്‍മാര്‍ നടത്തിയിരുന്ന സമരം അവസാനിപ്പിച്ചു. 11 ദിവസം നീണ്ടുനിന്ന പ്രതിഷേധം സുപ്രീം കോടതിയുടെ നിർദേശത്തെ തുടർന്നാണ് അവസാനിപ്പിച്ചത്.
സുപ്രീം കോടതിയില്‍നിന്ന് ഉറപ്പു ലഭിച്ച സാഹചര്യത്തിലാണ് അവസാനിപ്പിക്കുന്നതെന്നു റസിഡന്റ് ഡോക്ടേഴ്‌സ് അസോസിയേഷന്‍ അറിയിച്ചു. പ്രതിഷേധം തുടർന്നാൽ ആരോഗ്യ മേഖലയുടെ പ്രവർത്തനങ്ങൾ അവതാളത്തിലാകുമെന്നും പ്രതിഷേധം അവസാനിപ്പിച്ച് ഡോക്ടർമാർ ഇന്ന് തന്നെ ജോലിയിൽ പ്രവേശിക്കണമെന്നും സുപ്രീം കോടതി നിർദേശിച്ചിരുന്നു.
