അടൂർ : അടൂരിൽ ഫ്രിഡ്ജ് പൊട്ടിത്തെറിച്ച് വീടിന് തീപിടിച്ചു. അടൂർ തുവയൂർ മഞ്ഞാലിയിൽ വീട്ടിൽ ഷേർലി എന്നയാളുടെ ഫ്രിഡ്ജ്‌ന് പുലർച്ചെ മൂന്നരയോടെയാണ് തീ പിടിച്ചത്. പ്രവർത്തനക്ഷമമായിരുന്ന ഫ്രിഡ്ജ് ഷോർട്ട് സർക്യൂട്ട് ആയതാണ് തീ പിടിത്തമെന്ന് നിഗമനം.
ഫ്രഡ്ജിനു സമീപത്തു സൂക്ഷിച്ച വസ്ത്രങ്ങളും, ആധാർ കാർഡ്, റേഷൻ കാർഡ് എന്നി രേഖകളും ഇതൊടൊപ്പം കത്തി നശിച്ചു. ഷേർലിയും മകൻ എബിൻ എന്നിവരാണ് വീട്ടിൽ താമസം.
ഫയർഫോഴ്സിൽ വിവരം അറിയിച്ചതിനെ തുടർന്ന് അടൂരിൽ നിന്നും എസ് റ്റി ഒ വിനോദ്കുമാറിന്റെ നേതൃത്വത്തിലുള്ള സംഘം അകത്തു കടന്ന് തീയണച്ചു.
