കൊല്ലത്ത് വനിതാ കണ്ടക്ടർക്കുനേരെ ലൈംഗികാതിക്രമം ; തമിഴ്നാട് സ്വദേശി പിടിയിൽ

കൊല്ലം : കൊല്ലത്ത് കെഎസ്ആർടിസി ബസിൽ വനിതാ കണ്ടക്ടർക്കുനേരെ ലൈംഗികാതിക്രമം. തമിഴ്‌നാട് കുളച്ചൽ സ്വദേശി സെൽഡൻ പനീർസെൽവം പൊലീസിന്റെ പിടിയിലായി.വ്യാഴാഴ്ച വൈകിട്ട് കൊല്ലം – കുളത്തുപ്പുഴ ബസിലായിരുന്നു സംഭവം.യാത്രക്കാർ പൊലീസ് കൺട്രോൾ റൂമിൽ വിളിച്ച് വിവരം അറിയിച്ചതിനെത്തുടർന്ന് പൊലീസുകാർ എത്തിയെങ്കിലും അവരെയയും ഇയാൾ ആക്രമിക്കാൻ ശ്രമിച്ചു. പ്രതി മദ്യലഹരിയിലായിരുന്നുവെന്ന് പൊലീസ് പറഞ്ഞു.