തിരുവല്ല : തിരുവല്ലയിൽ നിരോധിത പുകയില വിൽപന നടത്തിയ പാൻ മസാല കട പൂട്ടിച്ചു. പുളികീഴ് ബ്ലോക്ക്‌ പഞ്ചായത്ത് പ്രസിഡന്റ്‌ അനു സി കെ യുടെ നേതൃത്വത്തിലാണ് പൂട്ടിച്ചത്.പാൻ മസാല കടയുടെ മറവിൽ സ്കൂൾ വിദ്യാർത്ഥികൾക്ക് ഉൾപ്പെടെ നിരോധിത പുകയില ഉത്പന്നങ്ങൾ കച്ചവടം നടത്തിയിരുന്നതായി പ്രദേശവാസികൾ പറഞ്ഞു.
കാവുംഭാഗം – ചാത്തൻകേരി റോഡിൽ പെരിങ്ങര പാലത്തിന് സമീപം പാൻ മസാല കടയുടെ ഉടമയും ഇയാളുടെ സഹായിയും കഴിഞ്ഞ ദിവസം എക്സൈസിന്റെ പിടിയിലായിരുന്നു. യുപി സ്വദേശികളായ ഇവർ കുടുംബസമേതം താമസിക്കുന്ന പെരിങ്ങരയിലെ വീട്ടിൽ നിന്നും ഒരു ചാക്ക് നിരോധിത പുകയില ഉൽപ്പന്നങ്ങൾ പിടിച്ചെടുത്തു. എക്സൈസ് സി ഐ രാജേന്ദ്രന്റെ നേതൃത്വത്തിൽ ഉള്ള സംഘം നടത്തിയ റെയ്ഡിൽ നിരോധിത പുകയില ഉൽപ്പന്നങ്ങൾ പിടികൂടിയത്.
