തിരുവല്ല: കുഴുവേലിപ്പുറം തെക്കേക്കര മാടപ്പള്ളിക്കാവ് ശ്രീഭഗവതിക്ഷേത്രത്തിലെ പത്താമുദയ മഹോത്സവവും ശ്രീമദ് ദേവീ ഭാഗവത നവാഹജ്ഞവും ഇന്ന് സമാപിക്കും. ഏപ്രിൽ 14-നാണ് ആരംഭിച്ചത്. ക്ഷേത്രം തന്ത്രി എം എൻ ഗോപാലൻ തന്ത്രികൾ, മേൽശാന്തി കെ പി പ്രസാദ്, രണ്ടാം ശാന്തി ശംഭുനാഥ് എന്നിവരുടെ മുഖ്യ കാർമ്മികത്വത്തിൽ വിശേഷാൽ പൂജകൾ നടന്നു. ഇന്നലെ ക്ഷേത്രത്തിലെ ചടങ്ങുകൾക്ക് ശേഷം രാത്രിയിൽ പള്ളിവേട്ട പുറപ്പാട്, പള്ളി നായാട്ട്, പള്ളി നിദ്രയും നടന്നു.
ക്ഷേത്രത്തിൽ ഇന്ന് രാവിലെ 9 -ന് കുങ്കുമ കലശപൂജ, 10-ന് മണിദ്വീപവർണ്ണനം, പ്രാകാരവിളക്ക്, 11-ന് പാരായണ സമർപ്പണം തുടർന്ന് അവഭ്യഥസ്നാനം, 11.30-ന് യജ്ഞ സമർപ്പണം, മംഗളാരതി, 12-ന് മഹാപ്രസാദമൂട്ട്, രാത്രി 7.15-ന് ആറാട്ടിന് പുറപ്പാട്, 7.30-ന് താലപ്പൊലി എഴുന്നെള്ളിപ്പ് (കാരയ്ക്കൽ പേച്ചി അമ്മൻ കോവിൽ നിന്നും), 10-ന് ആറാട്ട്, 10.30-ന് ആറാട്ട് എഴുന്നെള്ളിപ്പ്, 11.30- ന് മഹാഗുരുതി എന്നിവയോടു കൂടി സമാപിക്കും.
