ആംബുലൻസും കാറും കൂട്ടിയിടിച്ച് രണ്ട് പേർ മരിച്ചു

തൃശ്ശൂർ : കുന്നംകുളത്ത് ആംബുലൻസും കാറും കൂട്ടിയിടിച്ച് രണ്ട് പേർ മരിച്ചു .ആംബുലൻസിലുണ്ടായിരുന്ന രോ​ഗിയായ കുഞ്ഞിരാമൻ, കാർ യാത്രികയായ പുഷ്പ എന്നിവരാണ് മരിച്ചത്.നാല് പേർക്ക് പരിക്കേറ്റിട്ടുണ്ട്.വൈകുന്നേരം നാലരയോടെ കാണിപ്പയ്യൂർ കുരിശുപള്ളിക്ക് സമീപമാണ് അപകടമുണ്ടായത്. ഓട്ടോറിക്ഷയെ മറികടക്കുന്നതിനിടെയാണ് കാർ ആംബുലൻസിൽ ഇടിച്ചത്. പരുക്കേറ്റവരെ കുന്നംകുളത്തെയും തൃശൂരിലെയും സ്വകാര്യ ആശുപത്രികളിൽ പ്രവേശിപ്പിച്ചു.