ചെങ്കോട്ടയിലേക്ക് അതിക്രമിച്ച് കടക്കാൻ ശ്രമിച്ച 5 ബംഗ്ലദേശി പൗരൻമാർ അറസ്റ്റിൽ

ന്യൂഡൽഹി : ഡൽഹിയിലെ ചെങ്കോട്ടയിലേക്ക് അതിക്രമിച്ച് കടക്കാൻ ശ്രമിച്ച 5 ബംഗ്ലദേശി പൗരൻമാർ അറസ്റ്റിൽ. 20നും 25നും ഇടയിൽ പ്രായമുള്ള അനധികൃത കുടിയേറ്റക്കാരെയാണ് ഡൽഹി പൊലീസ് അറസ്റ്റ് ചെയ്തത് .ഇവർ നഗരത്തിൽ കുറച്ചുകാലമായി വിവിധ ജോലികൾ ചെയ്ത് ജീവിക്കുകയായിരുന്നു. ഇവരിൽ നിന്ന് ബംഗ്ലാദേശി രേഖകൾ പിടിച്ചെടുത്തിട്ടുണ്ട്. സ്വാതന്ത്ര്യദിനാഘോഷ ചടങ്ങ് നടക്കാൻ ഏതാനും ദിവസങ്ങൾ ബാക്കി നിൽക്കെ നടന്ന പൊലീസ് അതീവ ഗൗരവത്തോടെയാണ് കാണുന്നത്. അനധികൃത കുടിയേറ്റക്കാരായ ഇവരെ നാടുകടത്താനുള്ള നടപടികൾ ആരംഭിച്ചതായി അധികൃതർ അറിയിച്ചു.