കോഴിക്കോട് : പരീക്ഷ കഴിഞ്ഞ് പുറത്തിറങ്ങിയ എട്ടാം ക്ലാസുകാരനെ സീനിയര്‍ വിദ്യാര്‍ത്ഥികള്‍ ക്രൂരമായി മര്‍ദിച്ചു.ചക്കാലക്കൽ ഹയർ സെക്കന്‍ഡറി സ്കൂളിലെ വിദ്യാർഥിയെയാണ് ഒമ്പതാം ക്ലാസ് വിദ്യാര്‍ത്ഥികൾ ക്രൂരമായി മര്‍ദിച്ചത്.15 വിദ്യാര്‍ത്ഥികള്‍ പിടിച്ചു കൊണ്ടുപോയി സ്‌കൂളിന് സമീപത്തെ വിവിധയിടങ്ങളില്‍ വെച്ച് മര്‍ദ്ദിക്കുകയായിരുന്നു.
സ്കൂൾ ബസ്സിൽ കയറി വീട്ടിലേക്ക് പോകാനും കുട്ടിയെ അനുവദിച്ചില്ല.മൂക്കിൽ നിന്നും രക്തം വരുന്നത് കണ്ട വീട്ടുകാർ കുട്ടിയെ ആശുപത്രിയിലെത്തിക്കുകയായിരുന്നു. മുടി വെട്ടിയതും പുതിയ ചെരിപ്പിട്ടതുമൊക്കെ ചോദ്യം ചെയ്താണ് മര്‍ദ്ദനമെന്നാണ് പരാതി.
