ട്രംപിന്റെ തീരുവ ഭീഷണിക്കിടെ അജിത് ഡോവൽ റഷ്യയിൽ

മോസ്കോ : റഷ്യയിൽ നിന്ന് അസംസ്കൃത എണ്ണ വാങ്ങുന്നതിനെതിരെ യുഎസ് പ്രസിഡന്റ് ട്രംപിന്റെ തീരുവ ഭീഷണിക്കിടെ ദേശീയ സുരക്ഷാ ഉപദേഷ്ടാവ് അജിത് ഡോവൽ മോസ്കോയിലെത്തി. ഇരു രാജ്യങ്ങളും തമ്മിലുള്ള ബന്ധം ശക്തമാക്കുന്നതിന്റെ ഭാഗമായാണ് സന്ദർശനം. റഷ്യൻ പ്രതിരോധ മന്ത്രിയുമായും മുതിർന്ന നയതന്ത്ര ഉദ്യോ​ഗസ്ഥരുമായും അദ്ദേഹം ചർച്ച നടത്തും. മുൻകൂട്ടി നിശ്ചയിച്ചത് പ്രകാരമാണ് ഡോവലിന്റെ സന്ദർശം. എസ്-400 മിസൈൽ പ്രതിരോധ സംവിധാനമായിരിക്കും പ്രധാന ചർച്ച വിഷയം. വിദേശകാര്യമന്ത്രി എസ്.ജയശങ്കറും ഈ മാസം റഷ്യ സന്ദർശിച്ചേക്കും.