റോം : ഇറ്റാലിയൻ തീരത്ത് 2 വ്യത്യസ്ത ബോട്ട് അപകടങ്ങളിൽ 11 മരണം. നിരവധിപ്പേരെ കാണാതായി.കുടിയേറ്റക്കാർ യാത്ര ചെയ്തിരുന്ന ബോട്ടുകളാണ് അപകടത്തിൽപ്പെട്ടത്. ഇറ്റാലിയൻ ദ്വീപായ ലാംപെഡൂസയ്ക്ക് സമീപം തിങ്കളാഴ്ച ഉച്ചയോടെയായിരുന്നു ആദ്യത്തെ അപകടം. ലിബിയയിൽനിന്ന് കുടിയേറ്റക്കാരുമായി പുറപ്പെട്ട ബോട്ടാണ് അപകടത്തിൽപ്പെട്ടത്. 10 മൃതദേഹങ്ങൾ കണ്ടെത്തിയതായി ജർമൻ രക്ഷാപ്രവർത്തകസംഘങ്ങൾ അറിയിച്ചു.
തെക്കൻ ഇറ്റലിയിലെ കാലാബ്രിയൻ തീരത്തു വച്ച് തുർക്കിയിൽ നിന്ന് പുറപ്പെട്ട മറ്റൊരു ബോട്ട് അപകടത്തിൽ പെട്ട് 26 കുട്ടികളടക്കം 66 പേരെ കാണാതായി. രക്ഷപെട്ട 12 പേരിൽ ഒരാൾ പിന്നീട് മരിച്ചു .
