തിരുവല്ല : ഇന്ത്യൻ ഡെന്റൽ അസോസിയേഷൻ കേരള ഘടകം സംസ്ഥാനമൊട്ടാകെ IDA D-SAFE എന്ന ഹെപ്പറ്റെറ്റിസ് ബി പ്രതിരോധ കുത്തിവെയ്പ്പ് പദ്ധതി ആരംഭിക്കുന്നു. പദ്ധതിയുടെ ഔദ്യോഗിക ഉത്ഘാടനം മാർച്ച് 29 ന് നടക്കും.
ദന്തൽ ക്ലിനിക്കുകളിൽ ജോലി ചെയ്യുന്ന നോൺ- ഡെന്റൽ ജീവനക്കാരെ കൂടി ഉൾപ്പെടുത്തി സമ്പൂർണ്ണ സുരക്ഷ ഉറപ്പാക്കുകയാണ് പദ്ധതിയുടെ ലക്ഷ്യം. സംസ്ഥാനത്തെ വിവിധ ക്ലിനിക്കുകളിൽ നിന്നായി നാലായിരത്തിലധികം പേർ ഇതിനകം രജിസ്റ്റർ ചെയ്തിട്ടുണ്ട്.
ഐഡി ഐ കേരള സംസ്ഥാന ശാഖയുടെ കീഴിലുള്ള 39 ഉപശാഖകളിലൂടെ പദ്ധതി നടത്തും. തിരുവല്ല ശാഖയുടെ നേതൃത്വത്തിൽ പ്രാരംഭ പരിശോധനകൾ പൂർത്തിയാക്കിയ ദന്ത രോഗ വിദഗ്ദ്ധർക്കും ജീവനക്കാർക്കും ആദ്യ ഡോസ് വാക്സിനേഷൻ മാർച്ച് 29 ന് രാവിലെ 9 മുതൽ വൈകുന്നേരം 5 വരെ പുഷ്പഗിരി ആശുപത്രിയുടെ സഹകരണത്തോടെ നൽകുന്നതാണെന്ന് അധികൃതർ അറിയിച്ചു.
