തിരുവനന്തപുരം : വെഞ്ഞാറമൂട് മുസ്ലിം അസോസിയേഷൻ കോളേജിലെ ബിടെക് വിദ്യാർഥിയ്ക്ക് മദ്യപസംഘത്തിന്റെ ആക്രമണത്തിൽ കാഴ്ചശേഷി നഷ്ടമായതായി പരാതി. കോളജിലെ വിദ്യാര്ഥിയും ചെങ്കോട്ടുകോണം സ്വദേശിയുമായ അല് അമീനാണ് (20) മര്ദനമേറ്റത്.
കഴിഞ്ഞ ഞായറാഴ്ച കോളജ് വാര്ഷികാഘോഷ പരിപാടിക്കിടെ പുറത്തുനിന്നെത്തിയ മദ്യപസംഘം കുട്ടികളുമായി അടിപിടി ഉണ്ടാക്കുകയും അടിപിടിയ്ക്കിടെ അൽ അമീന് പരിക്കേൽക്കുകയുമായിരുന്നു. ആക്രമണത്തില് അല് അമീന്റെ ഇടതു കണ്ണിന്റെ റെറ്റിന തകര്ന്നു. സംഭവത്തിൽ കണ്ടലറിയാവുന്ന നാല് പേർക്കെതിരെ വെഞ്ഞാറമൂട് പോലീസ് കേസ് രജിസ്റ്റർ ചെയ്തു .
