കൊച്ചി : ശബരിമലയിലെ മില്മ നെയ് ക്രമക്കേടുമായി ബന്ധപ്പെട്ട അന്വേഷണം വിജിലൻസിന് വിട്ട് ഹൈക്കോടതി ദേവസ്വം ബെഞ്ച്.സംഭവം പ്രഥമദൃഷ്ട്യാ ഗൗരതരമെന്ന് ഹൈക്കോടതി നിരീക്ഷിച്ചു. സ്പെഷ്യല് കമ്മിഷണറുടെ റിപ്പോര്ട്ടിന്റെ അടിസ്ഥാനത്തിലാണ് കോടതി ഇടപെടല്.
വിഷയം അന്വേഷിക്കാൻ വിജിലൻസ് ഡയറക്ടർ പ്രത്യേക അന്വേഷണ സംഘത്തെ (SIT) രൂപീകരിക്കണം.അന്വേഷണം ഒരുമാസത്തിനുള്ളില് പൂര്ത്തിയാക്കണം. അന്തിമ റിപ്പോർട്ട് സമർപ്പിക്കുന്നതിന് മുൻപ് കോടതിയുടെ മുൻകൂർ അനുമതി വാങ്ങണമെന്നും പ്രത്യേക അന്വേഷണ സംഘത്തിന് നിർദ്ദേശം നൽകിയിട്ടുണ്ട്.
