കോന്നി : കലഞ്ഞൂർ പോത്തുപാറയിൽ അതിഥി തൊഴിലാളികളിൽ മന്ത് രോഗം സ്ഥിരീകരിച്ചു. പോത്തുപാറയിലെ 2 ക്രഷർ യൂണിറ്റുകളിൽ പണിയെടുക്കുന്ന 5 തൊഴിലാളികളിലാണ് മന്ത് രോഗം കണ്ടെത്തിയത്. രോഗ വ്യാപനം തടയുന്നതിന് തൊഴിലാളികൾക്ക് പ്രതിരോധ മരുന്ന് നൽകിയതായി കൂടൽ പിഎച്ച്സി മെഡിക്കൽ ഓഫിസർ ഡോ. അരുൺ ജയപ്രകാശ് അറിയിച്ചു.
144 തൊഴിലാളികളുടെ രക്തസാമ്പിൾ പരിശോധിച്ചതിൽ നിന്നാണ് 5 പേരിൽ രോഗം കണ്ടെത്തിയത്. രോഗ പ്രതിരോധത്തിൻ്റെ ഭാഗമായി ഇന്ന് വൈകിട്ട് കൂടൽ പിഎച്ച്സിയിൽ മെഡിക്കൽ ക്യാമ്പ് നടത്തുമെന്ന് ജില്ലാ മെഡിക്കൽ ഓഫിസിൽ നിന്ന് അറിയിച്ചു
