പത്തനംതിട്ട : ഹൈന്ദവ ദൈവങ്ങളെയും ഹൈന്ദവ വിശ്വാസികളെയും അപമാനിക്കുകയും അവഹേളിക്കുകയും ചെയ്ത സി പി എം ജില്ലാ സെക്രട്ടറി കെ പി ഉദയാഭാനുവിന്റെ പരാമർശങ്ങൾ സി പി എംന്റെ ഹിന്ദുക്കളോടുള്ള സമീപനമാണ് കാണിക്കുന്നതെന്നും ഹിന്ദു വിശ്വാസികളെ എന്നും ആക്ഷേപിക്കുന്ന സമീപനമാണ് ഇടതുപക്ഷം സ്വീകരിക്കുന്നതെന്നും ഹിന്ദുക്കളെ അധിക്ഷേപിച്ച സിപിഎം ജില്ലാ സെക്രട്ടറി മാപ്പ് പറഞ്ഞ് പ്രസ്താവന പിൻവലിക്കണമെന്നും ബിജെപി ജില്ലാ പ്രസിഡന്റ്‌ അഡ്വ. വി എ സൂരജ് ആവശ്യപ്പെട്ടു.
ഹിന്ദുക്കളെ അപമാനിക്കുന്ന പരിപാടി സി പി എം തുടർന്നാൽ ശക്തമായ പ്രതിഷേധം നേരിടേണ്ടിവരുമെന്നും മത വിശ്വാസം വ്രണപ്പെടുത്തിയ സിപിഎം ജില്ലാ സെക്രട്ടറിക്കെതിരെ കേസ് എടുക്കാൻ പോലീസ് തയ്യാറാവണമെന്നും അദ്ദേഹം ആവശ്യപ്പെട്ടു
