തിരുവല്ല : കുമ്പനാട്ട് കാരൾ സംഘത്തിന് നേരെ സാമൂഹിക വിരുദ്ധരുടെ ആക്രമണം. സ്ത്രീകൾ അടക്കം എട്ടോളം പേർക്ക് പരുക്ക്. കുമ്പനാട് എക്സോഡസ് ചർച്ച് കാരൾ സംഘത്തിന് നേരെയാണ് ആക്രമണം ഉണ്ടായത്. പത്തിലധികം വരുന്ന സംഘമാണ് അകാരണമായി ആക്രമിച്ചതെന്ന് കാരൾ സംഘാംഗങ്ങൾ പറഞ്ഞു.
റോഡിൽ വാഹനത്തിനു വഴി കൊടുത്തില്ല എന്നതിനെ ചൊല്ലി ഉണ്ടായ പ്രശ്നമാണ് ആക്രമണത്തിൽ കലാശിച്ചതെന്നും വിഷയത്തിൽ രാഷ്ട്രീയ ബന്ധം ഇല്ലെന്നും കോയിപ്രം പോലീസ് പറഞ്ഞു.
