ആലപ്പുഴ : ജില്ലയില് ചേന്നംപള്ളിപ്പുറം പഞ്ചായത്തില് പക്ഷിപ്പനി സ്ഥിരീകരിച്ച സാഹചര്യത്തില് പ്രഭവകേന്ദ്രത്തില് നിന്നും 10 കിലോമീറ്റര് ചുറ്റളവില് വരുന്ന സര്വലൈന്സ് സോണില് വളര്ത്തുപക്ഷികളുടെ മുട്ട, ഇറച്ചി, കാഷ്ടം ഉപയോഗവും വിപണനവും കടത്തലും ജൂലൈ 13 വരെ ജില്ല കളക്ടര് നിരോധിച്ചു.
ചേര്ത്തല തെക്ക്, തണ്ണീര്മുക്കം, ചേര്ത്തല നഗരസഭ, പട്ടണക്കാട്, വയലാര്, ചേന്നംപള്ളിപ്പുറം, കടക്കരപ്പള്ളി, തുറവൂര്, തൈക്കാട്ടുശ്ശേരി, കുത്തിയതോട് എന്നീ തദ്ദേശ്ശസ്വയംഭരണ സ്ഥാപനങ്ങളുടെ പരിധിയിലാണ് നിരോധിച്ചത്.
പ്രഭവ കേന്ദ്രത്തിന് ഒരു കിലോമീറ്റര് ചുറ്റളവിലുള്ള ഇന്ഫെക്ടഡ് സോണില് കള്ളിംഗ് പൂര്ത്തിയായി മൂന്ന് മാസത്തേക്ക് പക്ഷികളെ വളര്ത്തുന്നത് നിരോധിച്ചു.
