ആലപ്പുഴ : യു. പ്രതിഭ എംഎൽഎയുടെ മകൻ കനിവ് ഉൾപ്പെട്ട കഞ്ചാവ് കേസിൽ 7 പേരെ പ്രതിപ്പട്ടികയിൽ നിന്ന് ഒഴിവാക്കി. മൂന്ന് മുതൽ ഒൻപത് വരെയുള്ള പ്രതികളെ നിയമനടപടിയിൽ നിന്നും ഒഴിവാക്കി എക്സൈസ് കോടതിയില്‍ ഇടക്കാല റിപ്പോര്‍ട്ട് സമര്‍പ്പിച്ചു. ആകെ 9 പ്രതികൾ ഉണ്ടായിരുന്ന കേസിലെ 9–ാം പ്രതിയായിരുന്നു കനിവ്.
തകഴി പാലത്തിന് താഴെ നിന്നാണ് എംഎൽഎയുടെ മകനെയും സംഘത്തേയും എക്സൈസ് സംഘം പിടികൂടുന്നത്. മൂന്നു ഗ്രാം കഞ്ചാവും ഇവരില്‍ നിന്ന് പിടിച്ചെടുത്തിരുന്നു.എന്നാൽ പ്രതികളുടെ മെഡിക്കൽ പരിശോധന നടത്തിയിട്ടില്ലെന്നും ഇവർ കഞ്ചാവ് വലിച്ചതിന് സാക്ഷികൾ ഇല്ലെന്നുമാണ് കോടതിയിൽ സമർപ്പിച്ച റിപ്പോർട്ടിൽ എക്സൈസ് പറയുന്നത് .
