Wednesday, November 18, 2026
No menu items!

subscribe-youtube-channel

HomeNewsപമ്പാനദിയിലെ വെള്ളത്തിൽ...

പമ്പാനദിയിലെ വെള്ളത്തിൽ കോളിഫോം ബാക്ടീരിയ; അഞ്ച് കിണറുകളിൽ നിന്നുള്ള കുടിവെള്ള വിതരണത്തിലും ആശങ്ക

പത്തനംതിട്ട : പമ്പാനദിയിലെ ജലത്തിൽ കോളിഫോം ബാക്ടീരിയയുടെ അളവ് കൂടുതലാണെന്ന പരിശോധനാ വിവരങ്ങൾ ആശങ്ക ഉയർത്തുന്നു. നദിയെ ആശ്രയിച്ച് പ്രവർത്തിക്കുന്ന അഞ്ച് കിണറുകളിൽ നിന്നുള്ള വെള്ളം ശുദ്ധീകരണ നടപടികൾക്ക് ശേഷം വിതരണം ചെയ്യുന്നുണ്ടെങ്കിലും, വെള്ളത്തിൽ കോളിഫോം സാന്നിധ്യമുണ്ടെന്ന ആരോപണം ഉയർന്നതോടെ കുടിവെള്ളത്തിന്റെ സുരക്ഷ സംബന്ധിച്ച് ആശങ്ക ശക്തമായി.

പമ്പാനദിയിലെ ജലമലിനീകരണം സംബന്ധിച്ച് തിരുവാഭരണ പാത സംരക്ഷണ സമിതി പ്രസിഡൻ്റ് പ്രസാദ് കഴിക്കാല നൽകിയ പരാതിയിലാണ് വിഷയത്തിൽ അടിയന്തര പരിശോധനയും നടപടിയും ആവശ്യപ്പെട്ടിരിക്കുന്നത്. നദിയിലെ വെള്ളം നേരിട്ട് ഉപയോഗിക്കുന്നതും സമീപത്തെ കിണറുകളിലേക്ക് മലിനജലം എത്താനുള്ള സാധ്യതയും പരിശോധിക്കണമെന്നാണ് പരാതിയിലെ ആവശ്യം. പമ്പാനദിയെ ആശ്രയിച്ചാണ് ജില്ലയിലെ നിരവധി ശുദ്ധജല വിതരണ പദ്ധതികൾ പ്രവർത്തിക്കുന്നത്.  18 പ്രധാന ശുദ്ധജല വിതരണ പദ്ധതികളാണ് പമ്പാ നദിയിൽ പ്രവർത്തിക്കുന്നത്

കോളിഫോം ബാക്ടീരിയയുടെ സാന്നിധ്യം വെള്ളത്തിൽ മലിനീകരണം സംഭവിച്ചിട്ടുണ്ടെന്നതിന്റെ പ്രധാന സൂചനയായതിനാൽ, വിതരണത്തിന് മുമ്പ് വെള്ളത്തിന്റെ ഗുണനിലവാരം കൃത്യമായി പരിശോധിക്കണമെന്ന ആവശ്യവും ശക്തമാണ്.

അഞ്ച് കിണറുകളിൽ നിന്നുള്ള വെള്ളത്തിന്റെ സാമ്പിളുകൾ ശേഖരിച്ചു നടത്തിയ പരിശോധനാ ഫലം പുറത്തുവിടണമെന്നും ആവശ്യമുയരുന്നുണ്ട്. നദിയിലെ വെള്ളം കുടിവെള്ള പദ്ധതികൾക്ക് ഉപയോഗിക്കുന്ന സാഹചര്യത്തിൽ മലിനീകരണത്തിന്റെ ഉറവിടം കണ്ടെത്തി അടിയന്തരമായി പരിഹരിക്കണമെന്നും പ്രസാദ് കഴിക്കാല പരാതിയിൽ ആവശ്യപ്പെട്ടു. വിഷയത്തിൽ ആരോഗ്യ, ജല അതോറിറ്റി അധികൃതർ അടിയന്തര ഇടപെടൽ നടത്തണമെന്ന ആവശ്യവും ശക്തമാണ്

- Advertisment -

RELATED ARTICLES
Advertisment

Desham News

- Advertisement -

സംസ്ഥാനത്ത് ഇടിമിന്നലോട് കൂടിയ മഴക്കും ശക്തമായ കാറ്റിനും സാധ്യത

തിരുവനന്തപുരം: സംസ്ഥാനത്ത്  അടുത്ത 3 മണിക്കൂറിൽ കേരളത്തിലെ 8 ജില്ലകളിൽ ഇടിമിന്നലോട് കൂടിയ മഴക്കും ശക്തമായ കാറ്റിനും സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് മുന്നറിയിപ്പ് നൽകി. പത്തനംതിട്ട, ഇടുക്കി, എറണാകുളം, തൃശ്ശൂർ, പാലക്കാട്,...

മകരജ്യോതി തെളിഞ്ഞു: ശബരിമലയിൽ ഭക്തലക്ഷങ്ങൾക്ക് ദർശന പുണ്യം

ശബരിമല: പൊന്നമ്പലമേട്ടില്‍ തെളിഞ്ഞ മകരജ്യോതിയും  തിരുവാഭരണവിഭൂഷിതനായ അയ്യപ്പനെയും ദര്‍ശിച്ച് ശബരിമലയിൽ ഭക്തലക്ഷങ്ങൾ ദർശനപുണ്യം നേടി.  വൈകീട്ട് 6.44 ന് ആണ് പൊന്നമ്പലമേട്ടിൽ മകരജ്യോതി തെളിഞ്ഞത്. സന്നിധാനത്ത് എത്തിയ തിരുവാഭരണ ഘോഷയാത്രയെ ശബരിമല എക്സിക്യൂട്ടീവ് ഓഫീസര്‍...
- Advertisment -

Most Popular

- Advertisement -