വയനാട് : അട്ടപ്പാടിയിൽ രണ്ടിടത്ത് നടന്ന കാട്ടാന ആക്രമണത്തിൽ മൂന്നുപേർക്ക് പരിക്ക്.ചിറ്റൂരിൽ ഓട്ടോറിക്ഷയ്ക്കു നേരെ നടന്ന ഒറ്റയാന്റെ ആക്രമണത്തിൽ പെട്ടിക്കൽ സ്വദേശികളായ യാത്രക്കാരി മിനി ഷാജി (48), ഓട്ടോ ഡ്രൈവർ എ.ടി.പ്രസാദ് (55) എന്നിവർക്കാണ് പരുക്കേറ്റത്. ഓട്ടോറിക്ഷ കാട്ടാന കുത്തിമറിച്ചിട്ടു.
മുള്ളിയിൽ കാട്ടാനയുടെ ആക്രമണത്തിൽ ആദിവാസി യുവാവിന് പരുക്കേറ്റു. മുള്ളി സ്വദേശി വെള്ളിങ്കിരി(30)യ്ക്കാണ് പരുക്കേറ്റത്.പുലർച്ചെയോടുകൂടിയാണ് രണ്ടിടത്തും കാട്ടാനയുടെ ആക്രമണം ഉണ്ടായത്.
