പത്തനംതിട്ട : സംസ്ഥാന ദുരന്തനിവാരണ അതോറിറ്റിയുടെ കവചം മുന്നറിയിപ്പ് സംവിധാനത്തിന്റെ ഭാഗമായി കേരളത്തിലെ വിവിധ സ്ഥലങ്ങളില് സ്ഥാപിച്ചിട്ടുള്ള സൈറണുകളുടെ പ്രവര്ത്തന പരീക്ഷണം നാളെ (ഒക്ടോബര് 01) നടത്തും. ജനങ്ങള് പരിഭ്രാന്തരാകരുതെന്ന് അതോറിറ്റി ചെയര്മാനായ ജില്ലാ കലക്ടര് അറിയിച്ചു.
ആലപ്പുഴ ജില്ലയില് ആറ് സ്കൂളുകളില് സ്ഥാപിച്ചിട്ടുള്ള സൈറണുകളും ഇതോടൊപ്പം ട്രയല് റണ് നടത്തും.അര്ത്തുങ്കല് മത്സ്യഭവന്, ഗവ.മോഡല് എച്ച്.എസ്.എസ്. അമ്പലപ്പുഴ, കാക്കാഴം ഗവ.എച്ച്.എസ്.എസ്., ചെട്ടികുളങ്ങര കണ്ണമംഗലം ഗവ.യു.പി.എസ്, എം.പി.സി.എസ് മാരാരിക്കുളം, വലിയഴീക്കല് ഗവ.എച്ച്.എസ്.എസ് എന്നിവിടങ്ങളിലാണ് ജില്ലയില് സൈറണുകളുടെ പരീക്ഷണം നടക്കുക. രാവിലെ 12.30നും 1.15നും ഇടയിലാണ് സൈറണുകളുടെ ട്രയല് റണ് നിശ്ചയിച്ചിട്ടുള്ളത്.
