തിരുവല്ല: അഴിയിടത്തുചിറ ഉത്രമേൽ ഭഗവതി ക്ഷേത്രത്തിൽ അശ്വതി, മീനഭരണി, കാർത്തിക ഉത്സവത്തിന് തുടക്കമായി. ഇന്ന് രാവിലെ വിശേഷാൽ പൂജകൾക്ക് ശേഷം വൈകിട്ട് 7 ന് ഉത്രമേൽ, പായിപ്പാട് ശ്രീപാർവ്വതി തിരുവാതിര സംഘത്തിന്റെ തിരുവാതിരകളി അരങ്ങേറി. തുടർന്ന് നൃത്തനൃത്യങ്ങൾ, കൈകൊട്ടിക്കളിയും നടന്നു.
നാളെ (ഞായർ) രാവിലെ 11ന് പുതുക്കല നിവേദ്യം. വൈകിട്ട് 7.30ന് നൃത്തനാടകം – ശ്രീരക്ത കണ്ഠൻ, രാത്രി 10.30 ന് പേച്ചി അമ്മൻ കോവിൽ ഊർകരകത്തിന് യാത്രയയപ്പ്. 23-ന് രാവിലെ 6.30ന് പറയ്ക്കെഴുന്നള്ളത്ത്, രാത്രി 8.30ന് മമ്പുഴ മഠത്തിൽ നിന്നും താലപ്പൊലിയോടു കൂടി ഭഗവതിക്ക് വരവേൽപ്പ് എന്നിവ നടക്കും.
