നെടുമ്പാശ്ശേരിയിൽ 44.4 ലക്ഷം രൂപയുടെ വിദേശ കറൻസി പിടികൂടി

കൊച്ചി : നെടുമ്പാശ്ശേരി വിമാനത്താവളത്തിൽ 44.4 ലക്ഷം രൂപയുടെ വിദേശ കറൻസി പിടികൂടി.വ്യാഴാഴ്ച രാത്രി സ്പൈസ് ജെറ്റിൽ ദുബായിലേക്ക് പോകാനെത്തിയ മൂവാറ്റുപുഴ സ്വദേശിനി ഗീതയുടെ പക്കൽ നിന്നാണ് 2 ലക്ഷം സൗദി റിയാൽ പിടികൂടിയത്. 500 സൗദി റിയാലിന്റെ 400 കറൻസിയാണ് പിടിച്ചെടുത്തത്. ചെക്ക്-ഇൻ ബാഗേജിനുള്ളിൽ അലൂമിനിയം പാളികൾക്കുള്ളിൽ ഒളിപ്പിച്ച നിലയിലായിരുന്നു റിയലുകൾ സൂക്ഷിച്ചത്. വിദേശത്തു നിന്നു കടത്തുന്ന ലഹരി വസ്തുക്കളുടെ വില ആയിട്ടാണ് വിദേശ കറൻസി കടത്തുന്നതെന്നാണ് സൂചന. കസ്റ്റംസ് കേസ് റജിസ്റ്റർ ചെയ്ത് അന്വേഷണം ആരംഭിച്ചു.