കോന്നി : വനം വകുപ്പ് ഉദ്യോഗസ്ഥരെ കയ്യേറ്റം ചെയ്തെന്ന പരാതിയിൽ 12 സിപിഎം പ്രവർത്തകർക്ക് എതിരെ ചിറ്റാർ പൊലീസ് ഇന്ന് കേസെടുത്തു. തണ്ണിത്തോട് ലോക്കൽ സെക്രട്ടറി ജേക്കബ് വളയംപള്ളി ഉൾപ്പെടെയുള്ളവർക്കെതിരെയാണ് കേസ് രജിസ്റ്റർ ചെയ്തത്.
റോഡരികിൽ മുറിച്ചിട്ട മരങ്ങൾ പരിശോധിക്കുന്നതിനിടെ കൊച്ചു കോയിക്കൽ ഫോറസ്റ്റ് സ്റ്റേഷൻ അധികൃതരെ കയ്യേറ്റം ചെയ്യാൻ ശ്രമിച്ചു എന്നാണ് കേസ്. വനിതാ ജീവനക്കാർക്ക് നേരെയും അതിക്രമം ഉണ്ടായെന്നും പരാതി ഉയർന്നു. കൊച്ചു കോയിക്കൽ ഫോറസ്റ്റ് സ്റ്റേഷൻ ഓഫിസർ സുരേഷ് കുമാറിൻ്റെ പരാതിയിലാണ് പൊലീസ് കേസെടുത്തത്
