ബംഗ്ലാദേശിൽ അജ്ഞാതരുടെ ആക്രമണത്തിൽ മറ്റൊരു നേതാവിനും പരിക്കേറ്റു

ധാക്ക : ബംഗ്ലാദേശിൽ വീണ്ടും അജ്ഞാതരുടെ ആക്രമണം .എൻസിപി തൊഴിലാളി സംഘടനയായ ജാതീയ ശ്രമിക് ശക്തിയുടെ കേന്ദ്ര നേതാവായ എം.ഡി. മുത്തലിബ് ഷിക്ദാറിന് (42) ആണ് വെടിയേറ്റത്.തലയ്‌ക്ക് ​ഗുരുതരമായി പരിക്കേറ്റ ഇയാളെ ആശുപത്രിയിൽ പ്രവേശിപ്പിച്ചു.തിങ്കളാഴ്ച ഉച്ചയ്‌ക്ക് ഖുൽനയിലെ വീടിന് സമീപത്ത് വെച്ച് അജ്ഞാതരായ ആക്രമണകാരികളാണ് ഷിക്ദാറിനെ വെടിവെച്ചതെന്ന് പോലീസ് അറിയിച്ചു. ഇന്ത്യാ വിരു​ദ്ധ നേതാവ് ഒസ്മാൻ ബിൻ ഹാദിയുടെ കൊലപാതകത്തിന് ശേഷം ബംഗ്ലാദേശിൽ വലിയ ആഭ്യന്തര സംഘർഷങ്ങളാണ് നടക്കുന്നത്.