അമേരിക്കയിലെ എച്ച്1ബി വീസ അപേക്ഷക്കുള്ള ഫീസ് 1,00,000 ഡോളറായി ഉയർത്തി

വാഷിംഗ്‌ടൺ : എച്ച്1ബി വീസ അപേക്ഷക്കുള്ള ഫീസ് 1,00,000 ഡോളറായി ഉയർത്തി അമേരിക്കന് പ്രസിഡന്റ് ഡൊണാൾഡ് ട്രംപ് .നിലവിൽ 1700നും 4500 ഡോളറിനും ഇടയിലായിരുന്നു ഫീസ്. വൈദഗ്ധ്യം ആവശ്യമുള്ള തൊഴിൽ മേഖലകളിൽ വിദേശ തൊഴിലാളികളെ നിയമിക്കാൻ അനുവദിക്കുന്ന നോൺ-ഇമിഗ്രന്റ് വിസയാണ് H1B വിസ. ഇന്ത്യയിൽനിന്ന് ഐടി മേഖലയിലടക്കം ജോലിക്കായി പോകുന്നവർക്ക് ഈ നീക്കം തിരിച്ചടിയാണ്.എന്നാൽ, ടെക്നോളജി രംഗത്ത് അമേരിക്കക്കാർക്ക് അവസരങ്ങൾ വർദ്ധിപ്പിക്കാനുള്ള നടപടി ആണെന്നും പുതിയ നീക്കത്തെ ടെക് വ്യവസായം എതിർക്കില്ലെന്നും ട്രംപ് പറഞ്ഞു.