ബെംഗളൂരു : ബെംഗളൂരു ഹൊസ്കോട്ടയിൽ ഉണ്ടായ വാഹനാപകടത്തിൽ രണ്ട് മലയാളികളക്കം 7 പേർ കൊല്ലപ്പെട്ടു.രണ്ട് എസ്‌യുവികൾ, ഒരു കാന്റർ ട്രക്ക്, ഒരു ബൈക്ക് എന്നിവയാണ് അപകടത്തിൽപ്പെട്ടത്. വെള്ളിയാഴ്ച പുലർച്ചെ 5.15-ഓടെ ദൊബ്ബാസ്‌പേട്ട്–ഹൊസ്കോട്ട് സാറ്റലൈറ്റ് ടൗൺ റിങ് റോഡിലാണ് അപകടം നടന്നത്.കാറിൽ യാത്ര ചെയ്ത യെലഹങ്ക ആർവി കോളജിലെ വിദ്യാർഥികളും ബൈക്ക് യാത്രക്കാരനുമാണ് മരിച്ചത്. വിദ്യാർഥികളിൽ അശ്വിൻ നായർ (17),ഏഥൻ ജോർജ് (17) എന്നിവർ മലയാളികളാണ്.
വിദ്യാർഥികൾ സഞ്ചരിച്ച കാർ നിയന്ത്രണം വിട്ട് മുന്നിൽ പോയ ബൈക്കിനെ ഇടിച്ചിട്ടശേഷം ലോറിയുടെ പിന്നിലേക്ക് പാഞ്ഞുകയറുകയായിരുന്നു. ട്രക്ക് സർവീസ് റോഡിലേക്ക് മറിയുകയും ആക്‌സിലിൽ തട്ടി പുറകിൽവന്ന മറ്റൊരു കാറും അപകടത്തിൽപ്പെടുകയുമായിരുന്നു
