മതവിരുദ്ധം : ചെസ്സ് കളി നിരോധിച്ച് താലിബാന്‍

കാബൂൾ : അഫ്ഗാനിസ്താനില്‍ ചെസ്സിന് അനിശ്ചിതകാലത്തേക്ക് വിലക്ക്. താലിബാന്റെ സ്‌പോർട്‌സ് ഡയറക്ടറേറ്റാണ് ഈ നടപടി സ്വീകരിച്ചത്.ചെസ്സ് എന്ന കായിക വിനോദവുമായി ബന്ധപ്പെട്ട് മതപരമായ ആശങ്കകളുണ്ട്, ചെസ്സ് ചൂതാട്ടത്തിന്റെ ഒരു രൂപമായി കണക്കാക്കുന്നതിനാൽ ഇതുമായി ബന്ധപ്പെട്ട ആശങ്കകള്‍ പരിഹരിക്കപ്പെടുന്നതുവരെ അഫ്ഗാനില്‍ ചെസ്സ് നിരോധിക്കപ്പെട്ട നിലയിൽ തുടരുമെന്ന് താലിബാന്‍ വക്താവ് അറിയിച്ചു. താലിബാന്‍ അധികാരത്തിലേറിയതിന് പിന്നാലെ ഒട്ടേറെ കായികഇനങ്ങള്‍ക്ക് അഫ്‌ഗാനിൽ നിയന്ത്രണമേര്‍പ്പെടുത്തിയിരുന്നു. സ്ത്രീകൾക്ക് കായിക മത്സരങ്ങളിൽ പങ്കെടുക്കുന്നതിന് വിലക്കുണ്ട്.