വാഷിംഗ്‌ടൺ : അമേരിക്കൻ പ്രസിഡന്റ് ഡൊണാൾഡ് ട്രംപ് സ്വയം യേശുവായി പ്രത്യക്ഷപ്പെടുന്ന എഐ ചിത്രം തന്റെ സമൂഹമാധ്യമമായ ട്രൂത്ത് സോഷ്യലിൽ പോസ്റ്റ് ചെയ്തു .അമേരിക്കൻ പതാകയുടെ പശ്ചാത്തലത്തിലുള്ള ചിത്രത്തിൽ ആശുപത്രി കിടക്കയിൽ കിടക്കുന്ന ഒരു രോഗിയെ ട്രംപ് സുഖപ്പെടുത്തുന്നതായാണ് കാണിച്ചിരുന്നത് .സൈനികർ, വിമാനങ്ങൾ, നഴ്സുമാർ, രോഗി തുടങ്ങിയവ ഉൾപ്പെടുത്തിയാണ് എഐ ചിത്രം.
എന്നാൽ ചിത്രത്തിനെതിരെ ശക്തമായ പ്രതിഷേധമാണ് ഉയർന്നത് .ഇതോടെ പോസ്റ്റ് നീക്കം ചെയ്തു .ആളുകൾക്ക് ആശയക്കുഴപ്പമുണ്ടായതിനാലാണ് ചിത്രം നീക്കം ചെയ്തതെന്ന് ട്രംപ് പിന്നീട് വ്യക്തമാക്കി. യുദ്ധം അവസാനിപ്പിക്കാൻ മാർപാപ്പ ആഹ്വാനം ചെയ്തതിനെ എതിർത്ത് ട്രംപ് രംഗത്തെത്തിയതിനു പിന്നാലെയാണ് സമൂഹമാധ്യമത്തിൽ എഐ ചിത്രവും പ്രത്യക്ഷപ്പെട്ടത്.
