തിരുവനന്തപുരം : ഉപരാഷ്‌ട്രപതി സി.പി. രാധാകൃഷ്ണന്‍ 27-ന് കേരളത്തിലെത്തും. രാവിലെ 11ന് വള്ളിക്കാവ് അമൃതപുരിയില്‍ വിശ്വസേവാ ദിനത്തോടനുബന്ധിച്ചുള്ള പരിപാടിയിലും തുടർന്ന് വൈകിട്ട് 4.30ന് തിരുവനന്തപുരം വട്ടപ്പാറ എസ്‌യുടി മെഡി. കോളജ് 15-ാമത് ബിരുദദാനച്ചടങ്ങില്‍ പങ്കെടുക്കും. ബാലരാമപുരം റായ്‌വിജയ് കണ്‍വന്‍ഷന്‍ സെന്ററിലാണ് ചടങ്ങ്.
ഗവര്‍ണര്‍ രാജേന്ദ്രവിശ്വനാഥ് ആര്‍ലേക്കര്‍, ആരോഗ്യശാസ്ത്ര സര്‍വകലാശാല വൈസ് ചാന്‍സലര്‍ ഡോ. മോഹനന്‍ കുന്നുമ്മല്‍ എന്നിവര്‍ വിശിഷ്ടാതിഥികളാകും. എസ്‌യുടി മെഡിക്കല്‍ കോളജ് ചെയര്‍മാന്‍ ഡോ. എ.സി. ഷണ്‍മുഖം അധ്യക്ഷനാകും. 27-ന് രാവിലെ 11ന് കോളജ് കാമ്പസില്‍ പുതിയ തലമുറ റോബോട്ടിക് സര്‍ജറി, കാത്ത് ലാബ് എന്നിവയുടെ ഉദ്ഘാടനം വിസി ഡോ. മോഹനന്‍ കുന്നുമ്മലും ചെയര്‍മാന്‍ ഡോ. എ.സി. ഷണ്‍മുഖവും ചേര്‍ന്ന് ഉദ്ഘാടനം നിര്‍വഹിക്കും.
