തിരുവനന്തപുരം : ഗുണ്ടാ ആക്രമണം വ്യാപകമായതോടെ സംസ്ഥാനമൊട്ടാകെ പൊലീസ് റെയ്ഡ്. ഓപ്പറേഷൻ ആഗ് എന്ന പേരിൽ കേരളമൊട്ടാകെ ഇന്ന് രാവിലെ 6 മണി മുതലാണ് റെയ്ഡ് ആരംഭിച്ചത്. കാപ്പ ചുമത്തിയവർ ,പൊലീസിന്റെ ഗുണ്ടാ ലിസ്റ്റിലുള്ളവർ,വിവിധ ക്രിമിനൽ കേസിൽ ഉൾപ്പെട്ട് ജാമ്യത്തിലിറങ്ങിയവർ തുടങ്ങിയവരുടെ വീടുകൾ കേന്ദ്രീകരിച്ചാണ് റെയ്ഡ് നടക്കുന്നത്.
ഗുണ്ടകൾക്ക് സഹായം ചെയ്യുന്നവർ, സാമ്പത്തികമായി സഹായിക്കുന്നവർ എന്നിവരെ കണ്ടത്തുന്നതും ഓപ്പറേഷൻ ആഗിന്റെ ലക്ഷ്യമാണ് .കഴിഞ്ഞ ദിവസങ്ങളിൽ തലസ്ഥാനത്ത് തുടർച്ചയായി വിവിധ ഇടങ്ങളിൽ ഗുണ്ടാ ആക്രമണങ്ങൾ നടന്നിരുന്നു. ഗുണ്ടാ സംഘങ്ങളെ തടയാൻ പൊലീസ് നടപടികൾ സ്വീകരിക്കുന്നില്ലെന്ന വിമർശനങ്ങൾ ഉയർന്നതോടെയാണ് അടിയന്തര നടപടികൾ സ്വീകരിക്കുന്നത്.
