വാൽപ്പാറയിൽ ബാലികയെ പുലി പിടിച്ചു ; തിരച്ചിൽ തുടരുന്നു

ചെന്നൈ : തമിഴ്‌നാട്ടിലെ വാൽപ്പാറയിൽ നാലര വയസ്സുള്ള ബാലികയെ പുലി പിടിച്ചു.വെള്ളിയാഴ്ച വൈകുന്നേരം നാലരയോടെ പച്ചമല എസ്റ്റേറ്റിലാണ് സംഭവം. വീടിനു മുന്നിൽ കളിച്ചു കൊണ്ടിരുന്ന ജാർഖണ്ഡ് സ്വദേശി മനോജ് കുന്ദയുടെ മകൾ റൂസ്‌നിയെയാണ് പുലി പിടിച്ചത് . തേയില തോട്ടത്തിൽ നിന്ന് ചാടിവീണ പുലി കുട്ടിയെ പിടിച്ചുകൊണ്ടുപോകുകയായിരുന്നു.തോട്ടം തൊഴിലാളികൾ ബഹളം വച്ചെങ്കിലും പുലി കുട്ടിയെ വലിച്ചിഴച്ചു കൊണ്ടുപോയി .പൊലീസും വനം വകുപ്പും നാട്ടുകാരും ചേർന്ന് തെരച്ചിൽ നടത്തുകയാണ്.