ന്യൂഡൽഹി : പഞ്ചാബിൽ പാസഞ്ചർ ട്രെയിനിന് തീപിടിച്ചു. അമൃത്സറിലേക്കുള്ള കർമഭൂമി എക്‌സ്പ്രസ്സിലാണ് തീപ്പിടിത്തമുണ്ടായത്. നാല് ബോഗികൾ കത്തിനശിച്ചു. പാട്യാല ജില്ലയിലെ രജ്പുര റെയിൽവേ സ്റ്റേഷന് സമീപത്താണ് അപകടമുണ്ടായത്.എഞ്ചിനോട് ചേര്‍ന്നുള്ള അഞ്ചാമത്തെ കോച്ചിലാണ് ആദ്യം തീ പടര്‍ന്നതെന്നാണ് പ്രാഥമിക വിവരം. പിന്നീട് മൂന്ന് കോച്ചുകളിലേക്കും തീ വ്യാപിച്ചു.
ബോഗിക്കുള്ളിൽ നിന്ന് പുക ഉയരുന്നത് കണ്ട് യാത്രക്കാർ ചങ്ങല വലിച്ചു ട്രെയിന്‍ നിര്‍ത്തി. യാത്രക്കാർക്ക് പരിക്കേറ്റിട്ടില്ല. അഗ്നിരക്ഷാസംഘം സ്ഥലത്തെത്തി തീ നിയന്ത്രണവിധേയമാക്കി. ഷോർട്ട് സർക്യൂട്ടാണ് അപകട കാരണമെന്നാണ് നിഗമനം.
