തിരുവല്ല : തിരുവല്ല നഗരമധ്യത്തിൽ മദ്യപൻ യുവതിയെ സ്‌കൂട്ടറിൽ നിന്ന് വലിച്ചു താഴെയിറ്റു .തിരുവല്ല സ്വദേശി ജോജോ ആണ് യുവതിയുടെ നേർക്ക് ആക്രമണം നടത്തിയത്. വീഴ്ചയിൽ യുവതിയുടെ താടിയെല്ലിനും തോളെല്ലിനും പൊട്ടലുണ്ട്. ഇവരെ ആശുപത്രിയില്‍ പ്രവേശിപ്പിച്ചു.
മദ്യലഹരിയില്‍ പോലീസ് സ്‌റ്റേഷനിലെത്തി ബഹളംവെച്ച ജോജോ ഇവിടെ നിന്ന് പുറത്തിറങ്ങി പ്രധാന റോഡിലേക്കെത്തിയപ്പോഴാണ്‌ സ്‌കൂട്ടര്‍ യാത്രക്കാരിയെ പിടിച്ച് വലിച്ച് താഴെയിട്ടത്. സംഭവം കണ്ട് ഓടിയെത്തിയ നാട്ടുകാരും പോലീസുമാണ് യുവതിയെ ആശുപത്രിയില്‍ പ്രവേശിപ്പിച്ചത്. ഇയാൾ സ്ഥിരം മദ്യപിച്ച് പ്രശ്നമുണ്ടാക്കുന്നയാളെന്ന് പൊലീസ് പറഞ്ഞു. പൊലീസ് പിടിയിലായ ഇയാളെ ജീപ്പിൽ കയറ്റിയപ്പോൾ യുവതിയുടെ ബന്ധുക്കൾ കയ്യേറ്റം ചെയ്തു.
