തിരുവല്ല: സനാതന സംസ്കാരത്തിന്റെ ഈശ്വര സങ്കല്പം വിശാലതയിലുള്ളതാണെന്ന് മുന് ഡിജിപി അലക്സാണ്ടര് ജേക്കബ്. കാവുംഭാഗം ആനന്ദേശ്വരം ശിവക്ഷേത്രത്തില് നടക്കുന്നു അഖിലഭാരത ഭാഗവത മഹാസത്രത്തില് സംസാരിക്കുകയായിരുന്നു അദ്ദേഹം.
വിശ്വസ്നേഹത്തിന്റെ അനൂഭൂതിയാണ് ഹിന്ദുസംസ്കാരം പരിചയപ്പെടുത്തിയ ഈശ്വര സങ്കല്പം. പ്രപഞ്ചത്തില് എല്ലാത്തിലും ഈ സങ്കല്പത്തിന്റെ ആത്മാശം കാണാം എന്നും അദ്ദേഹം പറഞ്ഞു. എല്ലാത്തിലും അടങ്ങിയിരിക്കുന്ന ആത്മസത്തയാണ് ഈശ്വരനായി സനാതനസംസ്കാരം മുന്നോട്ട് വെയ്ക്കുന്നത്.
ജീവാത്മാവും പരമാത്മാവും തമ്മിലുള്ള ഏകതാനതയാണ് ഇതിന്റെ അടിസ്ഥാനം. ലോകത്ത് സനാതന ധര്മത്തില് മാത്രമാണ് ഈ സവിശേഷതകാണാന് സാധിക്കു. ഭാഗവതവും ഭഗവത് ഗീതയും എല്ലാം ഈ മഹത്തായ ആശയമാണ് മുന്നോട്ട് വെയ്ക്കുന്നത്.
സനാതന ധര്മം എന്നത് വിശാലമായ ഒരു കാഴ്ചപാടാണ്. അത് ഉക്രയ്ന് മൂതല് ഇങ്ങോട്ടുള്ള വിശാലമായ സ്ഥലമാണ്. നാല്പ്പത്തിയാറ് രാജ്യങ്ങളിലായി വ്യാപിച്ച് കടന്ന ഭൂപ്രദേശമായിരുന്നു സനാതന ഭൂമി. ഋഗ്വേദം മുതലുള്ള വിശ്വാസ സംഹിതയാണ് ഈ ധര്മ്മം മുന്നോട്ട് വെയ്ക്കുന്നത് അദ്ദേഹം വിശദീകരിച്ചു
