പത്തനംതിട്ട : ജെസ്ന തിരോധാന കേസിൽ പുതിയ വെളിപ്പെടുത്തലിന്റ പശ്ചാത്തലത്തിൽ സിബിഐ ഉദ്യോഗസ്ഥർ നാളെ മുണ്ടക്കയത്ത് എത്തും. ജെസ്നയെ മുണ്ടക്കയത്തെ ലോഡ്ജില്‍വെച്ച് കണ്ടെന്ന് പറഞ്ഞ ലോഡ്ജിലെ മുന്‍ ജീവനക്കാരിയുടെ മൊഴി രേഖപ്പെടുത്തും.ലോഡ്ജ് ഉടമയെയും സിബിഐ ചോദ്യംചെയ്യും.
ജെസ്നയെ ഒരു ചെറുപ്പക്കാരനൊപ്പം ലോഡ്ജില്‍ വെച്ച് കണ്ടെന്നാണ് ലോഡ്ജിലെ മുന്‍ ജീവനക്കാരി കഴിഞ്ഞ ദിവസം വെളിപ്പെടുത്തിയിരുന്നത് . എന്നാൽ ഇത് ലോഡ്ജ് ഉടമയും ജെസ്നയുടെ പിതാവ് ജെയിംസും തള്ളിയിരുന്നു.
