തിരുവനന്തപുരം : കരമന അഖിൽ വധക്കേസിലെ മുഖ്യപ്രതി അഖില് എന്ന അപ്പു പിടിയിലായി .തമിഴ്നാട്ടിലെ വെള്ളിലോഡില്നിന്നാണ് ഇയാൾ പിടിയിലാകുന്നത്. ഗൂഢാലോചനയില് പങ്കുള്ള അനീഷ്, ഹരിലാല്, കിരണ്, കിരണ് കൃഷ്ണ എന്നിവരും പിടിയിലായി.കൊലപാതകം നടത്തിയ മറ്റ് മൂന്ന് പേര് ഇപ്പോഴും ഒളിവിലാണ് .
2019ലെ അനന്തു കൊല കേസിലുള്ളവർ തന്നെയാണ് അഖിലിന്റെ കൊലക്ക് പിന്നിലും.അനന്തുവധക്കേസിൽ ഇതുവരെ വിചാരണ തുടങ്ങിയിട്ടില്ല. ഇതിനിടെയാണ് പ്രതികൾ ജാമ്യത്തിലിറങ്ങിയത്.
കഴിഞ്ഞദിവസമാണ് അക്രമി സംഘം അഖിലിനെ കൊലപ്പെടുത്തിയത്. കാറിലെത്തിയ സംഘം അഖിലിനെ വീട്ടിൽനിന്നു വിളിച്ചിറക്കി കൊണ്ടുപോയി മർദിച്ചശേഷം കമ്പിവടി കൊണ്ട് അടിച്ചുവീഴ്ത്തി .പിന്നീട് കല്ലെടുത്ത് തലക്കടിച്ചു. അഖിലും പ്രതികളുമായി ഒരാഴ്ച മുൻപ് ബാറിൽ തർക്കമുണ്ടായിരുന്നു. ഇതാണു കൊലപാതകത്തിനു കാരണം
