ന്യൂഡൽഹി: തദ്ദേശ തെരഞ്ഞെടുപ്പിലെ അന്തിമ വോട്ടർ പട്ടിക പ്രസിദ്ധീകരിക്കുന്നതുമായി ബന്ധപ്പെട്ട് തദ്ദേശ സ്ഥാപനങ്ങൾ ആഗസ്റ്റ് 30 വരെയുള്ള എല്ലാ ദിവസവും തുറന്നു പ്രവർത്തിക്കണമെന്ന് തെരഞ്ഞെടുപ്പ് കമ്മിഷന്റെ നിർദ്ദേശം.
ഈ മാസം 30ന് തദ്ദേശ തെരഞ്ഞെടുപ്പിനുള്ള അന്തിമ വോട്ടർപട്ടിക പ്രസിദ്ധീകരിക്കാനാണ് തീരുമാനിച്ചിട്ടുള്ളത്. വോട്ടർപട്ടികയിൽ പേരു ചേർക്കാൻ അപേക്ഷ നൽകിയവരുടെ ഹിയറിംഗിനും മറ്റു ജോലികൾക്കുമായാണ് അവധി ഒഴിവാക്കാനും നിർദ്ദേശത്തിലുള്ളത്.
ജൂലായ് 31ന് പുറത്തിറക്കിയ കരട് വോട്ടർപട്ടികയിൽ പുതുതായി പേരു ചേർക്കാൻ 29.81 ലക്ഷത്തിലധികം അപേക്ഷകളാണ് ലഭിച്ചത്. തിരുത്തൽ, സ്ഥാന മാറ്റം, പേര് ഒഴിവാക്കൽ അടക്കം 35.98 ലക്ഷം അപേക്ഷകളാണ് ആകെ സമർപ്പിച്ചത്.
