തിരുവല്ല: തിരുവല്ലാ നഗരസഭ സെക്രട്ടറിയെ ഉപരോധിച്ചു. നഗരസഭയുടെ പാലിയേക്കര – കാട്ടുക്കര റോഡിൻ്റെ ശോചനീയാവസ്ഥ എത്രയും വേഗം പരിഹരിക്കണമെന്നാവശ്യപ്പെട്ട് ജനകീയ സമിതിയുടെ നേതൃത്വത്തിൽ നഗര സഭ സെക്രട്ടറിയെയും ഉദ്യോഗസ്ഥരെയും മണിക്കൂറുകളോളം തടഞ്ഞ് വെച്ചു.
ഈ മാസം 27 ന് മുമ്പ് മരാമത്ത് പണികൾ ആരംഭിക്കുമെന്ന് സെക്രട്ടറി ഉറപ്പ് നൽകിയതിനെ തുടർന്ന് ഉപരോധം അവസാനിപ്പിച്ചു. അഡ്വ.രവി പ്രസാദ് ജോബി പി തോമസ്, പി ജി സുരേഷ്, ജോൺ വർക്കി, സന്തോഷ് പാലിയേക്കര എന്നിവർ പങ്കെടുത്തു
