മലപ്പുറം: പിഎംശ്രീ പദ്ധതിയില്‍ സംസ്ഥാന സര്‍ക്കാരിന്റെ നിലപാടിനൊപ്പം നില്‍ക്കാന്‍ പാണക്കാട്ട് സാദിഖലി ശിഹാബ് തങ്ങളുടെ സാന്നിധ്യത്തില്‍ ചേര്‍ന്ന മുസ്ലിം ലീഗ് മന്ത്രിമാരുടെയും നേതാക്കളുടെയും യോഗം തീരുമാനിച്ചു.
ശനിയാഴ്ച കോഴിക്കോട് ചേരുന്ന മുസ്ലിം ലീഗ് സംസ്ഥാന കമ്മിറ്റിക്കു മുന്നോടിയായിട്ടായിരുന്നു ഈ യോഗം. പദ്ധതിയില്‍ നിന്ന് കേരളത്തിന് നിയമപരമായി പിന്മാറാനാകില്ലെന്ന യാഥാര്‍ത്ഥ്യം യോഗം അംഗീകരിച്ചു. ഈ സാഹചര്യത്തില്‍ കേന്ദ്രത്തിന്റെ സാമ്പത്തിക-ഭരണപരമായ വ്യവസ്ഥകള്‍ അംഗീകരിക്കാനും പാഠ്യപദ്ധതിയില്‍ വിട്ടുവീഴ്ചയില്ലെന്ന നിലപാട് സ്വീകരിക്കുകയുമാണ് ഉചിതമെന്നാണ് യോഗത്തിന്‌റെ വിലയിരുത്തല്‍.
