വിജയദശമി നായർ മഹാസമ്മേളനം നാളെ

ചങ്ങനാശ്ശേരി: 113-മത് വിജയദശമി നായർ മഹാസമ്മേളനവും ചങ്ങനാശ്ശേരി എൻ എസ് എസ് താലൂക്ക് യൂണിയന്റെ ഒരു വർഷം നീണ്ട നവതി ആഘോഷങ്ങളുടെ ഉദ്ഘാടനവും നാളെ 2.30-ന് പെരുന്ന എൻ എസ് എസ് ഹിന്ദു കോളേജ് ഓഡിറ്റോറിയത്തിൽ നടക്കും.

നായർ സർവീസ് സൊസൈറ്റി യുടെ രൂപീകരണത്തിന്റെ ഓർമ പുതുക്കിയുള്ള വിജയദശമി സമ്മേളനത്തിന്റെ ഉദ്ഘാടനവും താലൂക്ക് യൂണിയന്റെ നവതി ആഘോഷങ്ങളുടെ ഉദ്ഘാടനവും ജനറൽ സെക്രട്ടറി ജീ സുകുമാരൻ നായർ നിർവഹിക്കും.

പ്രസിഡന്റ് ഡോ എം ശശികുമാർ അധ്യക്ഷനാകും. ട്രഷറർ എൻ വി അയ്യപ്പൻ പിളള, വൈസ് പ്രസിഡന്റ് എം സംഗീത് കുമാർ, എക്സികൂട്ടിവ് കൗൺസിലംഗം ശ്രീകുമാർ തുടങ്ങിയവർ പ്രസംഗിക്കും. ഉച്ചയ്ക്ക് 1.30-ന് ഏലൂർ ബിജു നയിക്കുന്ന സോപാന സംഗീതം ഉണ്ടാകും.