തിരുവല്ല : പെരിങ്ങര 1110 നമ്പർ എൻ എസ് എസ് കരയോഗത്തിന്റെ നേതൃത്വത്തിൽ ഓണാഘോഷവും, കുടുംബ സംഗമവും നടന്നു. നാരായണീയ പാരായണം, വഞ്ചിപ്പാട്ട്, പടയണി പാട്ടുകൾ, തിരുവാതിരകളി പരിപാടികൾ കുട്ടികളും മുതിർന്നവരും ചേർന്ന് അവതരിപ്പിച്ചു.
ഉച്ചക്ക് ശേഷം നടന്ന കുടുംബ സംഗമം തിരുവല്ല താലൂക്ക് എൻ.എസ് എസ് .കരയോഗ യുണിയൻ പ്രസിഡന്റ് ആർ മോഹൻ കുമാർ ഉദ്ഘാടനം ചെയ്യതു. താലൂക്ക് യുണിയൻ സെക്രട്ടറി സുനിൽകുമാർ മുഖ്യപ്രഭാഷണം നടത്തി. പെരിങ്ങര കരയോഗം പ്രസിഡന്റെ പി.റ്റി.മോഹനൻ നായർ അധ്യക്ഷത വഹിച്ചു.
ചടങ്ങിൽ കരയോഗം വൈസ് പ്രസിഡന്റെ അഭിലാഷ് കുമാർ, സെക്രട്ടറി എം.എൻ. രാജശേഖരൻ. വനിതാ സമാജം പ്രസിഡന്റ് ലതാ ഭാസി, യുണിയൻ പ്രതിനിധി വേണുഗോപാൽ, ബ്ലോക്ക് മെമ്പർ അനു സി.കെ വാർഡ് മെമ്പർ സനില കുമാരി എന്നിവർ പ്രസംഗിച്ചു.
കലാകായികമത്സര വിജയി കൾക്കുള്ള സമ്മാനവും മെറിറ്റ് സ്കോളർഷിപ്പ്, എൻഡോവ്മെന്റ് വിദ്യാഭ്യാസ ധന ചികിത്സാ സഹായവും വിതരണം ചെയ്യ്തു.
